Արարատ լեռը Թուրքիայի կողմից՝ ծածկվել է սպիտակ ձյան շերտով

Ներկայիս Թուրքիայի Աղրը նահանգում գտնվող հայկական լեռնաշխարհի ամենաբարձր լեռը՝ Արարատը, ձյան ուժեղ տեղումներից և մառախուղից հետո ծածկվել է գեղեցիկ ճերմակ շերտով:

Ermenihaber-ի փոխանցմամբ՝ ՀՀ սահմանից 32կմ հեռավորության վրա գտնվող Արարատի` ձնով ծածկվելը տեղացիները կապում են ձմռան մոտալուտ գալստյան հետ՝ այն անվանելով «ձմռան ավետաբեր»:

Լեռան ստորոտն առավոտյան ժամերին պատվում է մառախուղի շերտով, ինչն էլ, ձնապատ տեսարանի հետ միաձուլվելով` ստեղծում է գեղատեսիլ պատկեր:

Լրատվամիջոցի փոխանցմամբ՝ Թուրքիայում հաճախ Արարատն անվանում են «Թուրքիայի տանիք»: Նշենք նաև, որ թուրքերը փոխել են Արարատ լեռան անվանումը և իրենց քարտեզներում ու տեղեկագրերում նշում են այն որպես «Աղրը դաղ»: Արարատի մեծ և փոքր գագաթների բարձրությունը կազմում է 5165 մ և 3925 մ։

https://yerevan.today/ararat-lereh-thurkhiayi-koghmic%D5%9D-tcatckvel-e-spitak-dzyan-shertov