Թուրքիայի արտգործնախարար Հաքան Ֆիդանը Թուրքիայի Ազգային Մեծ ժողովում բյուջեի քննարկումների ժամանակ հայտնել է, որ փխրուն աշխարհագրության մեջ գտնվող Թուրքիայի բարգավաճ ապագան հնարավոր կլինի իրագործել` նախապես ճիշտ վերլուծելով այդ ռիսկերը ու արդյունավետ պայքարելով դրանց դեմ։
Ըստ Ֆիդանի՝ Թուրքիան մի կողմից ուշադրությամբ հետևում է գլոբալ փոխակերպումներին, իսկ մյուս կողմից վարում է արդյունավետ, ուղղորդող և վճռական արտաքին քաղաքականություն՝ համահունչ իր ազգային շահերին ու նպատակներին։
«Թուրքիան աշխարհում 3-րդ երկիրն է, որն ունի ամենաշատ դիվանագիտական ցանցը՝ 261 օտարերկրյա ներկայացուցչություններով։ Մեր դիվանագիտական լայն ցանցը մեզ հնարավորություն է տալիս ակտիվ քաղաքականություն վարելու և մեր զրուցակիցների հետ ուժեղ նախաձեռնություններով հանդես գալու»,- նշել է Թուրքիայի ԱԳՆ ղեկավարը։
Leave a Reply