Հալաչօղլու. «Ինձ պաշտոնազարկեցին Ամերիկայի և Հայաստանի ցանկությամբ»

Ազգայնական շարժում կուսակցության` Կեսարիայից ընտրված պատգամավոր, դոկտոր, պրոֆեսոր Յուսուֆ Հալաչօղլուն Թուրքական պատմագիտական ընկերության նախագահի իր պաշտոնից զրկվելու վերաբերյալ մեկնաբանություններով է հանդես եկել: Նա մասնավորապես ասել է. «ԱՄՆ-ը և Հայաստանը պահանջեցին ինձ պաշտոնազրկել: Հենց այդ պատճառով էլ ինձ պաշտոնից հեռացրեցին»:

Ազգայնական շարժում կուսակցության՝ Կեսարիայի պատգամավորության թեկնածուները Էրջիյես համալսարանի հանրակացարանի ներսում գտնվող գտնվող Թեփե ռեստորանում նախաճաշել են դասախոսների և գիտնականների հետ: Մոտ 100-ի չափ դասախոսների և գիտանականների մասնակցությամբ կայացած ժողովում ելույթ ունեցած դոկտոր, պրոֆեսոր Յուսուֆ Հալաչօղլուն պարզաբանումներ տվեց Թուրքական պատմագիտական ընկերության նախագահի պաշտոնից իր զրկվելու պատճառների առնչությամբ: Հալաչօղլուն ասաց. «Ըստ էության՝ բոլորդ էլ որոշ չափով գիտեք, սակայն շատերը ենթադրում են, թե 2007 թ. պաշտոնազարկվել եմ Կեսարիայում ունեցած ելույթիս պատճառով: Նրանք կարծում են, թե ինձ պաշտոնից հեռացրել են «իրենց քուրդ համարող շատերն իրականում ծագումով թուրքմեն են, մյուս կողմից էլ` իրեն քուրդ կամ քուրդ-ալևի ներկայացնող հայ կրոնափոխներ կան» ասելուս պատճառով, բայց ես դրա համար չեմ պաշտոնազրկվել: Պաշտոնից հեռացվելուս պատճառը Թուրքիայի Հանրապետության ու Ամերիկայի և Հայաստանի միջև Շվեյցարիայում տարվող գաղտնի բանակցություններն էին: Այդ բանակցությունները վերաբերում էին ցեղասպանության խնդրին: Ինչպես բոլորիդ հայտնի է, Թուրքիայի Հանրապետությունը հետագայում ինձ պաշտոնազրկելուց հետո Հայաստանի հետ սահմանները բացելու վերաբերյալ վերջինիս հետ համաձայնություն էր ձեռք բերել` «Հայկական նախաձեռնություն» անվան տակ: Դարձյալ ինչպես հայտնի է բոլորիս, տվյալ համաձայնությունը ստորագրվեց այնպիսի պետությունների հսկողության տակ, ինչպիսիք են Ռուսաստանը, Անգլիան և Գերմանիան` ԱՄՆ-ի գլխավորությամբ: Ահա հենց այդ պահին ԱՄՆ-ը և Հայաստանը պահանջեցին, որ ինձ պաշտոնիցս հեռացնեն: Դրա համար եմ ես պաշտոնազրկվել»:

http://www.medya73.com/halacoglu-amerika-ve-ermenistan-istedi-gorevden-alindim-haberi-674622.html