13 հոկտեմբերին, «Զանգակ» գրատան մէջ ներկայացուեցաւ իտալահայ անուանի գրող Անթոնիա Արսլանի «Մշոյ գիրքը» վիպակին արեւմտահայերէնի թարգմանութիւնը, որ լոյս տեսած էր 2025-ին Ազգային առաջնորդարանի «Սիս» հրատարակչատունէն` դիւանապետ դոկտ. Վարդան Մատթէոսեանի թարգմանութեամբ: Ձեռնարկը տեղի ունեցաւ «Թիւֆէնկեան» բարեգործական հիմնադրամի եւ «Save Armenia»-ի աջակցութեամբ: Բացման խօսքը արտասանեց հիմնադրամի հոգաբարձուներու խորհուրդի անդամ Անդրանիկ Գասպարեանը, որ շեշտեց Հայաստանի մէջ գիրքի ներկայացման կարեւորութիւնը:
Անթոնիա Արսլան իր խօսքին մէջ անդրադարձաւ գիրքի պատմութեան: Գրող Վահան Զանոյեան եւ լրագրող Ռուբէն Ճանպազեան գիրքէն ընթերցումներ կատարեցին: Ինչպէս յայտնի է, գիրքը վիպականացած պատմութիւնն է «Մշոյ ճառընտիր»-ին` 1915-ին Հայոց ցեղասպանութեան օրերուն հայկական մեծագոյն ձեռագիրի փրկութեան:
Պատրաստեց՝ ՄԱՐԻՆԱ ՀԱՄԱՄՃԵԱՆ
Leave a Reply