Վերսկսվում է Թուրքիա-ԵՄ խորհրդարանական երկխոսությունը

Թուրքիան և Եվրամիությունը 2 տարվա դադարից հետո նորից նստում են բանակցային սեղանի շուրջ։ Թուրքիա-ԵՄ համատեղ խորհրդարանական հանձնաժողովի 82-րդ նիստը մեկնարկում է հոկտեմբերի 26-ին Անկարայում և կտևի 2 օր։ Նախորդ նիստը տեղի էր ունեցել 2024 թ. նոյեմբերին, իսկ 2025-ի ապրիլին նախատեսվածը հետաձգվել էր Ստամբուլի քաղաքապետ Էքրեմ Իմամօղլուի ձերբակալությունից հետո։

Հանձնաժողովում ընդգրկված են Թուրքիայի ազգային մեծ ժողովի 25 և Եվրոպական խորհրդարանի 25 պատգամավոր։ Առաջին օրը կքննարկվեն Թուրքիա-ԵՄ հարաբերությունները և անդամակցության բանակցությունների ներկա վիճակը: Երկրորդ օրվա օրակարգում կլինեն մաքսային միության թարմացումը, վիզայի ազատականացումը, արտաքին քաղաքականության և պաշտպանության ոլորտի համագործակցությունը, միգրացիան, խոսքի ազատությունը և իրավունքի գերակայությունը։