Թուրքիայի Մանիսա նահանգի Նիյազի Ուզմեզի անվան Անատոլիական տեխնիկական լիցեյի մոտ տեղի ունեցած հրաձգության հետևանքով տուժել է 10 աշակերտ, որոնցից երկուսի վիճակը ծայրահեղ ծանր է։ Այս մասին սեպտեմբերի 22-ին հայտնել է «Sözcü» թերթը։
«Հարձակման հետևանքով բոլոր տուժածները դպրոցականներ են։ Նրանցից երկուսը գտնվում են ծայրահեղ ծանր վիճակում, մյուսները վիրավորվել են որսորդական հրացանից»,- նշված է հրապարակման մեջ։
Տուժած երեխաները 14-ից 17 տարեկան են, նրանք տեղափոխվել են մոտակա բժշկական հաստատություններ։ Դեպքի վայրից փախուստի դիմած կասկածյալն արդեն ձերբակալվել է․ նա իններորդ դասարանի 16-ամյա աշակերտ է։ Դեպքի առթիվ սկսվել է հետաքննություն։ Հրաձգության մասին ահազանգը ստացվել է տեղական ժամանակով մոտ 07:59-ին: Դեպքի վայր են ուղարկվել ոստիկանության ուժեր և շտապօգնության մեքենաներ:
Leave a Reply