Խանդանյանը պնդեց, որ ՀՀ-Թուրքիա կարգավորման գործընթացն իրականանում է առանց նախապայմանների. փաստերն այլ բանի մասին են խոսում

«Ուժեղ Հայաստան» խմբակցության ղեկավար Նարեկ Կարապետյանն այսօր ԱԺ արտաքին հարաբերությունների մշտական հանձնաժողովի նախագահի թեկնածուի պաշտոնում առաջադրված Սարգիս Խանդանյանից հետարքրվեց թե ի՞նչ նախապայմաններ է դրել Թուրքիան Հայաստանի առջև։

Նարեկ Կարապետյանը պարզաբանել է ԹՐԻՓՓ-ի և արցախցիների վերադարձի իրավունքի հետ կապված իրենց դիրքորոշումըՄեր բեռնատարները Ադրբեջանի ո՞ր տարածքով կարող են անցնել նույն ռեժիմով. հարց՝ Խանդանյանին«Մեր հասարակությանը հուզում է, թե ի՞նչ նախապայմաններ է դրել Թուրքիան ՀՀ առջև՝ սահմանները բացելու համար, արդյոք նախապայմանների մասին կա՞ Հայոց ցեղասպանության պետականորեն ճանաչման հարցի առաջ չքաշելը և կա՞ մեր ազգային խորհրդանիշների՝ մեր զինանշանի կենտրոնում պատկերված Արարատ լեռան խորհրդանիշային բազայից հանելը, այսինքն՝ մեր բոլոր խորհրդանիշներից հանելը»,- հարցրեց նա։

Խանդանյանը հերքեց նախապայմանների առկայությունը։
«ՀՀ-Թուրքիա կարգավորման գործընթացն իրականանում է առանց նախապայմանների և ձեր նշած երկու հարցերի շուրջ բանակցությունների որևէ փուլում պահանջ չի եղել, նույնիսկ ակնարկ Թուրքիայի ներկայացուցիչների կողմից չի եղել»,- պնդեց նա։

Բայց փաստերն այլ բանի մասին են խոսում։ 2025թ. մարտի 26-ին ՀՀ ԱԳՆ պաշտոնական կայքում հրապարկված «Correio Braziliense»-ին տված հարցազրույցում ԱԳ նախարար Արարատ Միրզոյանը բառացիորեն շեշտել է.
«Թուրք գործընկերներից լսում ենք, որ նրանք զսպվածություն են ցուցաբերում Հայաստանի հետ սահմանի լիարժեք բացման հարցում՝ մինչև Հայաստանի և Ադրբեջանի հարաբերությունների վերջնական կարգավորումը։ Թեև չկա պաշտոնական նախապայման, փաստացի տեսնում ենք, որ Թուրքիան Հայաստանի հետ հարաբերությունները կապում է Ադրբեջանի հետ հարաբերությունների կարգավորման հետ»։

2025 թ. օգոստոսի 26-ին ՀՀ ԱԳՆ պաշտոնական կայքում հրապարակված Հանրային հեռուստատեսությանը տված հարցազրույցում էլ Արարատ Միրզոյանը նշել է.

«Ուզում եմ ասել, որ պաշտոնական, հրապարակային մակարդակում և փակ դռների հետևում, այսինքն` հանդիպումների ընթացքում, ինչ որ լսել ենք Թուրքիայից, դա հետևյալն է` մենք խնդիր չունենք, մենք ուզում ենք, պատրաստ ենք բացել սահմանները, հաստատել հարաբերություններ, բայց մենք պետք է դա անենք Հայաստան-Ադրբեջան կարգավորումից, Հայաստան-Ադրբեջան պայմանագրի ստորագրումից հետո»։


Ավելի վաղ՝ դեռ 2019 թ. մարտի 4-ին Նիկոլ Փաշինյանը հարցազրույց էր տվել «Euractiv-ին», որտեղ ասել էր, որ Թուրքիան որպես նախապայման է դնում Լեռնային Ղարաբաղի հակամարտության իրեն ցանկալի լուծումը։

https://pastinfo.am