Սև ծովում թուրքական բեռնանավի վրա անօդաչուի հարձակման հետևանքով մեկ մարդ է զոհվել, երեքը՝ վիրավորվել

Սև ծովում թուրքական դրոշի ներքո նավարկող «Mv Reyhan Sarı» բեռնանավի վրա իրականացված անօդաչու թռչող սարքի հարձակման հետևանքով անձնակազմի մեկ անդամ զոհվել է, ևս երեքը՝ վիրավորվել։  

Հրատարակության տեղեկություններով՝ բեռնանավը, որը ածուխ էր տեղափոխում Ռուսաստանի Թաման նավահանգստից դեպի Թուրքիայի Տրապիզոն, հարձակման է ենթարկվել Սև ծովում։ Տարբեր աղբյուրների համաձայն՝ միջադեպը տեղի է ունեցել կամ Նովոռոսիյսկի շրջանում, կամ Սամսունի ափերի մոտ գտնվող միջազգային ջրերում։

Նշվում է, որ զոհվածը նավի մեքենայական բաժնի աշխատակից էր։ Վիրավորված անձնակազմի երեք անդամներն առաջին բուժօգնություն ստանալուց հետո տեղափոխվել են բժշկական հաստատություններ։

Ըստ «Sabah»-ի՝ հարձակման հետևանքով նավը վնասվել է, սակայն պահպանել է ընթացքը շարունակելու հնարավորությունը։

https://armenpress.am/hy/article/1256296