Զինված հարձակում Թուրքիայի արևելքում

Թուրքիայի համանուն նահանգում գտնվող Դիարբեքիրի (Տիգրանակերտ – խմբ.) քաղաքապետարանին պատկանող հաստատություններից մեկի վրա զինված հարձակում է իրականացվել:

Ըստ ստացված տեղեկությունների՝ միջադեպը տեղի է ունեցել հուլիսի 21-ի երեկոյան Ֆիսկայա տեռասայում գործող քաղաքապետարանի սոցիալական համալիրում։ Անհայտ անձը (կամ անձինք) կրակ է (են) բացել հաստատության աշխատակիցների ուղղությամբ։

Հարձակման հետևանքով վիրավորվել է 2 աշխատակից․ նրանցից մեկը վնասվածք է ստացել ձեռքի, իսկ մյուսը՝ ոտքի շրջանում։ Տուժածները տեղափոխվել են հիվանդանոց։

Ընդդիմադիր «Ժողովուրդների հավասարություն և ժողովրդավարություն» կուսակցության (DEM) Դիարբեքիրի նահանգային կառույցը հայտարարել է, որ հուլիսի 22-ին, ժամը 13:00-ին դեպքի վայրում հանդես կգա մամուլի հայտարարությամբ:

https://ermenihaber.am/am/region/38649/