Թուրքիան դիտարկում է Հայաստանի հետ փակ սահմանը վերաբացելու հնարավորությունը. ԶԼՄ-ներ

Թուրքիան դիտարկում է Հայաստանի հետ փակ սահմանը վերաբացելու հնարավորությունը՝ Եվրոպան և Ասիան կապող նոր առևտրային ուղի ձևավորելու նպատակով։ Այս մասին հայտնում են թուրքական ԶԼՄ-ները:

Նախագահ Ռեջեփ Թայիփ Էրդողանը վերջերս Թուրքիան ներկայացրեց որպես ապահով հանգրվան առևտրի և լոգիստիկայի համար՝ պնդելով, որ գլոբալ ճգնաժամերը կարող են նոր տնտեսական հնարավորություններ ստեղծել Անկարայի համար:

Ծրագրի վճռորոշ բաղադրիչն է Հայաստանի հետ Թուրքիայի վաղուց փակված ցամաքային սահմանի հնարավոր վերաբացումը:

Ալիջանի սահմանային անցակետում, որը փակ է 1993 թվականից, վերջերս իրականացվել են տեխնիկական արդիականացման աշխատանքներ, ներառյալ անձնագրային մշակման համակարգերի տեղադրումը: Վերաբացման դեպքում այն կբացի ուղիղ ցամաքային երթուղի, որը Հայաստանի տարածքով կկապի Թուրքիան Ադրբեջանին:

Այս քայլը կարող է դառնալ «Միջին միջանցքի» կարևոր բաղադրիչ, որը Չինաստանից դեպի Եվրոպա բեռների տեղափոխման տևողությունը կարող է կրճատել մոտ 40 օրից մինչև 12–15 օր։

Այս երթուղին հանդիսանում է ԱՄՆ-ի կողմից աջակցվող ավելի լայն նախաձեռնության մաս, որը հայտնի է որպես «Թրամփի միջազգային խաղաղության և բարգավաճման երթուղի» (TRIPP), որի նպատակն է աջակցել Հայաստանի և Ադրբեջանի միջև հարաբերությունների կարգավորմանը՝ միաժամանակ խթանելով տարածաշրջանային կապվածությունը:

https://tert.am/am/news/2026/04/20/turkey-armenia-middle-corridor/4267867