Մենք հսկայական ջանքեր ենք գործադրել Ադրբեջանի և Հայաստանի միջև խաղաղության հաստատելու համար․ Ֆիդան

Անկարան հսկայական ջանքեր է գործադրել Ադրբեջանի և Հայաստանի միջև խաղաղության հաստատելու համար՝ «ուժի չափավոր կիրառումից մինչև որակյալ դիվանագիտություն»։ Այս մասին հայտարարել է Թուրքիայի արտգործնախարար Հաքան Ֆիդանը՝ հավելելով, որ իր երկիրը սահմանակից է Կովկասին, և այնտեղ տեղի ունեցող պատերազմներն ու անկայունությունն անմիջական ազդեցություն են ունենում նաև Թուրքիայի վրա։

«Հետևաբար, մենք շատ լուրջ ջանքեր ենք գործադրում այս տարածաշրջանում կարգուկանոնի և անվտանգության ապահովման, ինչպես նաև անվտանգային համակարգին առնչվող հարցերում։ Մենք հսկայական ջանքեր ենք ներդրել Ադրբեջանի և Հայաստանի միջև խաղաղության հասնելու համար՝ ուժի չափավոր կիրառումից մինչև որակյալ դիվանագիտություն՝ հավասարակշռության մեջ պահելով տարածաշրջանային երկրներին ու համաշխարհային տերություններին, որպեսզի այնտեղի սուր հակամարտությունը չազդի Թուրքիայի վրա»,— նշել է Ֆիդանը։

Նա ընդգծել է, որ Անկարան ռազմավարական հսկայական գոտի ունի Մերձավոր Արևելքում, Կովկասում, Սև և Միջերկրական ծովերի ավազաններում, ինչպես նաև կարևոր դեր է խաղում եվրոպական անվտանգության հարցում։

Նրա խոսքով՝ եվրոպական անվտանգությունը միշտ ձևավորվել է ՆԱՏՕ-ի հովանու ներքո, և Թուրքիան նույնպես իր դերն է խաղացել այս համատեքստում։

https://news.am/arm/news/943095.html