Կենտրոնական միջանցքն այժմ Եվրոպայից դեպի Ասիայի արևելյան կետը տանող ամենակարճ ճանապարհն է՝ երկաթուղային ճանապարհորդության տևողությունը 18 օր է։ Դրա մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն, հաղորդում է CNN Turk-ը։
«Զանգեզուրի միջանցքով մենք կբեռնաթափենք Կասպից ծովի նեղ հատվածը։ Մենք մրցույթ ենք հայտարարել 224 կիլոմետրանոց երկաթուղային նախագծի համար, որը կսկսվի Կարսից և կավարտվի Դիլուջայում։ Նախիջևանի հատվածի մի մասն արդեն պատրաստ է, իսկ մնացած մասն Ադրբեջանը կառուցում է։
Ստամբուլից մինչև Իզմիր մայրուղին 420 կիլոմետր երկարություն ունի։ Այդ ճանապարհի շինարարության ընթացքում դրա շուրջ 12 կազմակերպված արդյունաբերական գոտի է ստեղծվել։ Զանգեզուրի միջանցքը նմանատիպ էկոհամակարգ կներկայացնի», – հավելել է նա։
Պետք է նշել, որ այսպես կոչված «Զանգեզուրի միջանցք» ասելով Թուրքիան և Ադրբեջանը նկատի ունեն Հայաստանի Սյունիքի մարզի երկայնքով արևմուտքից արևելք և հակառակն առաջարկվող ճանապարհը, նման կերպ տարածքային պահանջներ ներկայացնելով Հայաստանին, քանի որ նրանք ակնկալում են, որ միջանցքը արտատարածքային բնույթ կկրի։
Leave a Reply