Ադրբեջանի և Թուրքիայի արտգործնախարարներ Ջեյհուն Բայրամովը և Հաքան Ֆիդանը քննարկել են տարածաշրջանում առկա անվտանգության իրավիճակը և աճող լարվածությունը։
Հեռախոսազրույցի ընթացքում կողմերը քննարկել են «ռազմական սրացման պայմաններում վերջին իրադարձությունների հետ կապված ռիսկերը և դրանց ազդեցությունը տարածաշրջանային կայունության վրա»։
Բայրամովը դատապարտել է «Թուրքիայի Հանրապետության տարածքում հրթիռային հարձակումը և աջակցություն է հայտնել եղբայրական թուրք ժողովրդին»։
Ըստ Ադրբեջանի ԱԳՆ-ի՝ նշվել է, որ հետագա ռազմական սրացումը կարող է հանգեցնել անցանկալի հետևանքների, և տեղի է ունեցել մտքերի փոխանակում երկխոսության մթնոլորտի խթանման հնարավոր քայլերի վերաբերյալ։
«Հատկապես ընդգծվել է, որ հարևան երկրների վրա հարձակումները և ինքնիշխան պետությունների տարածքային ամբողջականության դեմ ուղղված ցանկացած քայլ անընդունելի են հակամարտության ընթացքում։ Ավելին, կողմերը նշել են, որ «Ադրբեջանի և Թուրքիայի միջև ռազմավարական դաշինքը և եղբայրական հարաբերությունները մեծ նշանակություն ունեն ներկայիս բարդ աշխարհաքաղաքական իրավիճակում, և այդ համատեքստում ընդգծվել է երկու երկրների միջև տարածաշրջանային հարցերի շուրջ փոխադարձ խորհրդակցությունների և համակարգման շարունակականության կարևորությունը»։
Leave a Reply