Վարչապետ Նիկոլ Փաշինյանը կարող է հայկական երկաթուղին փոխանցել Թուրքիային կամ Ադրբեջանին։ Այս մասին փետրվարի 25-ին Մոսկվա-Երևան տեսակոնֆերանսի ժամանակ հայտարարել է ռուս քաղաքագետ Անդրեյ Արեշևը։
«Ես չեմ կարող ազատվել այն զգացումից, որ երբ Նիկոլ Փաշինյանը հիշատակում է Չինաստանը, Ղազախստանը և Օմանը, նա նկատի ունի այս տեսակի գործընթացների ևս երկու մասնակից՝ Թուրքիան և Ադրբեջանը։ Ի վերջո, մենք շատ լավ հասկանում ենք, որ խոսքը Երասխի շրջանում Նախիջևանի հետ Հայաստանի սահմանի և Շիրակի մարզում հայ-թուրքական սահմանի ապաշրջափակման մասին է։ Ի դեպ, Ռուսաստանի Դաշնությունը երբեք չի առարկել դրան», – ասել է Արեշևը։
Ընդհանուր առմամբ գնահատելով Հայաստանով անցնող «Թրամփի ուղին»՝ փորձագետը, մասնավորապես, նշել է, որ այն կարող է ԱՄՆ-ի հետ բախման թատերաբեմ դառնալ Չինաստանի, Իրանի և այլ երկրների հետ։ Քաղաքագետը հիշեցրել է, որ TRIPP-ը այսպես կոչված «Միջին միջանցքի» մի մասն է, որն ստեղծվել է Թուրքիան Հարավային Կովկասի միջոցով Կենտրոնական Ասիայի հետ կապելու համար։ «Ամերիկացիներն ընդ որում ավելի ու ավելի հաճախ են խոսում այն մասին, որ տվյալ ճանապարհը կարող է օգտագործվել հազվագյուտ հողային մետաղների արտահանման և տարանցման համար»,- նկատել է Արեշևը։
Leave a Reply