Դիարբեքիրում հայոց լեզվի անվճար դասընթաց կմեկնարկի

Դիարբեքիրի քաղաքապետարանը քրդերենի, հայերենի և ասորերենի դասընթացներ է կազմակերպում։ Դիմումներն արդեն սկսել են ընդունվել։
Այդ մասին, ըստ www.akunq.net-ի, հայտնում է թուրքական «Բիանեթ» լրատվական կայքը։
Աղբյուրի համաձայն՝ Դիարբեքիրի քաղաքապետարանի Արվեստի և սոցիալական գործերի վարչությունն այդ լեզուների դասընթացները կազմակերպում է լեզուների և մշակույթների բազմազանությունն աջակցող կրթական աշխատանքների շրջանակներում։
Դասընթացներն անվճար կլինեն և նախատեսված՝ 16-ից բարձր տարիքի մարդկանց համար։
Հայոց լեզուն կդասավանդվի A 1 և A 2 մակարդակներով, այսինքն՝ սկսնակների համար։
www.akunq.net