Փետրվարի 8-ին հեռախոսազրույց է տեղի ունեցել Ադրբեջանի արտգործնախարար Ջեյհուն Բայրամովի և Թուրքիայի արտգործնախարար Հաքան Ֆիդանի միջև։ Այս մասին հայտնում է Ադրբեջանի ԱԳՆ-ն։
Զրույցի ընթացքում քննարկվել են Ադրբեջանի և Թուրքիայի դաշնակցային երկկողմ հարաբերությունների շրջանակում համագործակցության հարցերը, համատեղ ջանքերը միջազգային կազմակերպություններում և բազմակողմ հարթակներում, ինչպես նաև տարածաշրջանային անվտանգության ոլորտի իրավիճակը։
Բացի այդ, տեղի է ունեցել կարծիքների փոխանակում Մերձավոր Արևելքի իրավիճակի, հայ-ադրբեջանական հարաբերությունների կարգավորման գործընթացի, ինչպես նաև փոխադարձ հետաքրքրություն ներկայացնող այլ հարցերի շուրջ։
Leave a Reply