Սույն թվականի փետրվարի 4-ին Հայաստանի զբոսաշրջության կոմիտեի նախագահ Լուսինե Գևորգյանը հանդիպել է Թուրքիայի առաջատար «Turkish Airlines» ավիաընկերության ներկայացուցիչների հետ։
Հանդիպման ընթացքում ավիաընկերության ներկայացուցիչները ներկայացրել են 2026-ի մարտի 11-ից նախատեսվող Ստամբուլ–Երևան–Ստամբուլ չվերթերը, դրանց զարգացման հեռանկարները, ինչպես նաև առաջիկայում նոր ուղղություններով չվերթերի իրականացման հնարավորությունները։
Կողմերը տեղեկատվություն են փոխանակել թիրախային շուկաների և վիճակագրության վերաբերյալ, ինչպես նաև քննարկել են մարքեթինգի և խթանման ոլորտում համագործակցության հնարավորությունները։
Հիշեցնենք, որ 2025-ի վերջին Հայաստան-Թուրքիա հարաբերությունների կարգավորման գործընթացի Թուրքիայի հատուկ ներկայացուցիչ Սերդար Քըլըչը X-ի իր միկրոբլոգում հայտնել է, որ հաջորդ տարվանից «Turkish Airlines»-ը կանոնավոր չվերթներ կիրականացնի Ստամբուլ-Երևան-Ստամբուլ ուղղությամբ։
Ermenihaber.am
Leave a Reply