Թուրքիայում գործող ընդդիմադիր «İYİ» կուսակցության պատգամավոր Թուրհան Չյոմեզը հայտարարել է, որ ԱՄՆ-ում մանկապղծության և մարդկանց թրաֆիքինգի մեջ մեղադրվող Ջեֆրի Էփշտեյնը 9 անգամ այցելել է Թուրքիա, և նրա անձնական հաշվից Թուրքիա է մտել 200 մլն դոլար։ Այս մասին տեղեկացնում է Ermenihaber.am-ը։
Չյոմեզի խոսքով՝ նշված փոխանցումները կարող են կապ ունենալ երեխաների շահագործման և մարդկանց առևտրի հետ։ Նմանատիպ պնդումներից հետո Անկարայի գլխավոր դատախազությունը հայտարարել է նախաքննություն սկսելու մասին:
Նախաքաննության մեկնարկին նպաստել են նաև Չյոմեզի՝ 2025-ի դեկտեմբերի 22-ի կատարած հրապարակմանը կից տեղադրված նյութերը և փաստաթղթերը։
Նշվում է, որ այս փուլում պնդումները դեռևս պաշտոնապես չեն հաստատվել, սակայն քննության մեկնարկով գործը ստացել է իրավական ընթացք։ Հանրությունը շարունակում է ուշադիր հետևել թեմայի զարգացումներին:
Leave a Reply