Հայոց պետականությունն ինքնին մարտահրավեր է Թուրքիայի և Ադրբեջանի համար, հայտարարել է Քրիստոնեական համերաշխության միջազգային կազմակերպության ղեկավար Ջոն Այբները Երևանում անցկացված մամուլի ասուլիսում։
Հայերի վերադարձի դեպքում Արցախում էթնիկ զտումների կրկնության դեմ երաշխիքների մասին հարցին ի պատասխան՝ Այբները ստիպված է եղել հայտարարել. «Չենք կարող երաշխավորել, որ պատմությունը չի կրկնվի. չկան երաշխիքներ Արցախի ժողովրդի համար, և սա մեզ անհանգստացնում է։ Մենք էթնիկ և կրոնական զտումները համարում ենք ավելի մեծ պատմական ցեղասպանության մաս։ 1915-1918 թվականներին տեղի ունեցածն ավելի վաղ սկսված խոշոր ցեղասպանական գործողության գագաթնակետն էր։
Եթե հաշվի առնենք Հայաստանի վերաբերյալ Թուրքիայի և Ադրբեջանի պատմական դիրքորոշումները, նրանք ոչ մի կերպ չեն ընդունում Հայաստանի պատմական դերը և պետականությունը։ Այն փաստը, որ Հայաստանն ունի պետականություն, արդեն իսկ մարտահրավեր է նրանց համար»։
Ըստ նրա՝ անհրաժեշտ է շարունակել աշխատանքը և հիշել, որ չքաղված դասերը երաշխիք են, որ պատմությունը կկրկնվի։
Leave a Reply