Թուրքիան առաջարկում է ակտիվացնել «Միջին միջանցքի» զարգացման աշխատանքները. Թուրքմենստանում Թուրքիայի դեսպան

Անկարան առաջարկում է ակտիվացնել «Միջին միջանցք» անունով հայտնի Տրանսկասպյան միջազգային տրանսպորտային երթուղու զարգացումը և հետաքրքրություն է ցուցաբերում Միացյալ Նահանգների և Եվրամիության կողմից։ Այս մասին մամուլի ասուլիսի ժամանակ հայտարարել է Աշխաբադում Թուրքիայի դեսպան Ահմեդ Դեմիրոկը՝ ТАСС-ի փոխանցմամբ։

«Տրանսկասպյան տրանսպորտային միջանցքն ապացուցել է իր անվտանգ և գործնական ուղին։ Մենք ուրախ ենք նշել այս միջանցքի նկատմամբ վերջերս աճող հետաքրքրությունը Միացյալ Նահանգների և Եվրամիության կողմից։ Չնայած Թուրքմենստանը թուրքական ապրանքների համար կարևոր ուղի է դեպի Կենտրոնական Ասիայի շուկաներ, Թուրքիան նշանակալի դեր է խաղում Թուրքմենստանի համար դեպի Եվրոպա տեղափոխման գործում։ Այս շրջանակներում մենք կարծում ենք, որ «Միջին միջանցքի» արդյունավետությունը բարձրացնելու համար մենք պետք է ակտիվացնենք մեր ջանքերը բազմամոդալ տրանսպորտի զարգացման, երկկողմ և եռակողմ մակարդակներում գործողությունների պարզեցման և արագացման ուղղությամբ, այդ թվում՝ Ադրբեջանի հետ», – ասել է դեսպանը։

նշենք, որ Տրանսկասպյան միջազգային տրանսպորտային երթուղին («Միջին միջանցք») անցնում է Չինաստանով, Ղազախստանով, Կասպից ծովով, Ադրբեջանով, Վրաստանով և շարունակվում դեպի Եվրոպա։ Այն կոնտեյներային բեռնափոխադրումներ է իրականացնում երկաթուղային և ծովային տրանսպորտով։

https://tert.am/am/news/2026/01/28/corridor-turkmenistan/4258404