Վանը դառնում է Թուրքիայի արևային էներգիայի կարևոր կենտրոն

Թուրքական մամուլի փոխանցմամբ՝ Վան նահանգում արևային էլեկտրակայանների տեղադրված հզորությունը 2025 թ. դրությամբ հասել է 223․7 Մգվտ-ի։ Երկարատև արևային օրերը, բարձրադիր աշխարհագրական դիրքը և համապատասխան հողային ռեսուրսները Վանը դարձնում են վերականգնվող էներգիայի ներդրումների համար կարևոր ուղղություն։

Հաղորդվում է, որ գործող և ծրագրավորվող նոր նախագծերի շնորհիվ Վանը նպատակ ունի ավելացնել էլեկտրաէներգիայի արտադրությունը ոչ միայն ներքին պահանջարկի, այլև տարածաշրջանային մատակարարման համար՝ ամրապնդելով Թուրքիայի էներգետիկ անվտանգությունը և մաքուր էներգիայի արտադրության կարողությունները։