Հայ-թուրքական սահմանի Ալիջան սահմանային անցակետում նախատեսված բոլոր աշխատանքների մոտ 90%-ն ավարտվել է։ Այս մասին հայտնում են Իգդիր նահանգի իշխանությունները, հաղորդում է Anadolu-ն։
Աշխատանքներն իրականացվում են ինչպես Իգդիրի նահանգի Քարաքոյունլու շրջանում գտնվող «Ալիջան» անցակետում, այնպես էլ սահմանակից Արմավիրի մարզի հայկական «Մարգարա» անցակետում։ Ծրագրի շրջանակում թուրքական կողմում իրականացվում է մաքսային և սահմանային այլ ընթացակարգերի համար նախատեսված շենքերի շինարարություն։
Բացի այդ, իրականացվել են գովազդային և տեղեկատվական միջոցառումներ. տեղադրվել են վահանակներ և բաններներ, որոնց նպատակն է Հայաստանից ժամանող քաղաքացիներին ծանոթացնել Իգդիր քաղաքի և ընդհանուր տարածաշրջանի հետ։
Իգդիրի նահանգապետ Էրջան Թուրանը տեղում ստուգել է աշխատանքները։ Նա մանրամասն հաշվետվություն է ստացել Քարակոյունլուի նահանգապետ Ֆաթիհ Էրդողանից։
https://news.am/arm/news/925173.html
Leave a Reply