Թուրքիան կաջակցի երկրաշարժից վնասված Սրբոց Քառասուն Մանուկ եկեղեցու վերանորոգմանը. Մաշալյան

Պոլսի Հայոց պատրիարք Սահակ արքեպիսկոպոս Մաշալյանը նախօրեին՝ հունվարի 6–ին, հանդիպել է համայնքային մարմինների ներկայացուցիչներին։

Կոստանդնուպոլսի Հայոց Պատրիարքությունից NEWS.am–ին հայտնում են, որ Սահակ արքեպիսկոպոս Մաշալյանը հայտնել է, որ 2023 թ. փետրվարի 6-ի երկարաշարժի հետևանքով վնասված Իսքենդերունի շրջանում գտնվող 19-րդ դարի Սրբոց Քառասուն Մանուկ եկեղեցու վերանորոգմանը կաջակցի  Թուրքիայի մշակույթի և զբոսաշրջության նախարարությունը։

Նշվել է, որ նույն նախարարության աջակցությամբ առաջիկա օրերին պիտի իրականանա օպերային երգչուհի Ալիս Մանուկյանի մեծարանքի երեկույթ:

Մաշալյանն իր խոսքում հիշել է նաեւ տարվա ընթացքում իրականացած մշակութային, գեղարվեստական եւ մարզական զանազան միջոցառումները՝ ընդգծելով, որ դրանք ցույց են տալիս համայնքի կենսունակ եւ արդյունավետ բնույթը։

Հաւաքն ավարտվել է աղոթքով ու Տիրոջ տված օրհնությամբ։

https://news.am/arm/news/923965.html