Թուրքիոյ եւ Հայաստանի միջեւ յարաբերութիւններու կարգաւորումը կ՛ընթանայ նախատեսուածին համաձայն, յայտարարած է Թուրքիոյ նախագահ Ռեճեփ Թայիփ Էրտողան` ՄԱԿ-ի Ընդհանուր ժողովի ելոյթի ժամանակ:
Իր ելոյթին մէջ Էրտողան անդրադարձած է նաեւ Երեւանին ու Պաքուին, շեշտած, որ Անգարա ի սկզբանէ աջակցած է նաեւ Ազրպէյճանի եւ Հայաստանի խաղաղութիւն հաստատելու ջանքերուն:
Էրտողան կարեւոր նկատած է 8 օգոստոսին ձեռք բերուած պայմանաւորուածութիւնները` զանոնք որակելով իբրեւ քայլ դէպի կայուն խաղաղութիւն եւ շնորհաւորած է Ազրպէյճանի նախագահ Իլհամ Ալիեւը, Հայաստանի վարչապետ Նիկոլ Փաշինեանը եւ Միացեալ Նահանգներու նախագահ Տանըլտ Թրամփը` գործընթացին մէջ ունեցած իրենց աւանդին համար:
Leave a Reply