Թուրք-ադրբեջանական տանդեմը, ապաշրջափակման անվան տակ, պարտադրում է սեփական ազգային շահերի առաջ մղումը․ Թադևոս Ավետիսյան

«Հայաստան» խմբակցության պատգամավոր Թադևոս Ավետիսանի հայտարարությունը՝ ԱԺ ամբիոնից

Հարգելի հայրենակիցնե՛ր

Տարածաշրջանային տնտեսական ինտեգրումը կարող է ապահովել տնտեսական լրացուցիչ արդյունքներ տարածաշրջանի երկրների համար, եթե այդ գործընթացները հասունանում և զարգանում են բոլոր մասնակիցների ազգային շահերի փոխհամաձայնեցված հիմքով, այլ ոչ թե մեկի լիարժեք առաջնորդությամբ։

Մինչև 44-օրյա պատերազմը Թուրքիան և Ադրբեջանը նաև տնտեսական շրջափակման միջոցով էին առաջ մղում իրենց ազգային շահերը։

Հիմա, երբ ունեն ռազմական հաջողություններ ու դոմինանտություն, իսկ Հայաստանը գտնվում է անվտանգային և սոցիալ-տնտեսական ծանր մարտահրավերների առջև,թուրք-ադրբեջանական տանդեմը ապաշրջափակման անվան տակ պարտադրում է բացառապես սեփական ազգային շահերի առաջ մղումը՝ այս անգամ «փափուկ»ուժի գործադրմամբ։

Աշխարհաքաղաքական զարգացումների ներկա փուլում այս նպատակադրման գործադրումը՝ անշեղորեն հանգեցնում է Հայաստանի ինքնիշխանության հետևողական կորստին, տնտեսական գլոբալ շահերի ստորադասմանն ու անհավասարակշռությանը՝ այլոց շահերի գերակայությամբ, թուրք-ադրբեջանական ռազմավարական շահերի կենտրոնում է, ավելին՝ դարձել է ամեն գնով, ներառյալ՝ ռազմական ուժի սպառնալիքով, իրագործման ենթակա, գործնականում բերելու է Հայաստանի տնտեսական համակարգի զարգացման առավելությունների և ինքնուրույնության շեշտակի նվազում, ինչպես նաև ձևավորելու է տնտեսական անվտանգության անչափելի ռիսկեր, փաթեթավորված է «Խաղաղության խաչմերուկ» անիրատեսական ծրագրով և  փոխադարձության սկզբունք» մերկապարանոց հայտարարություններով, չունի նվազագույն անհրաժեշտ հաշվարկներ և տնտեսական գնահատումներ,Հայաստանի կայուն զարգացման շահերից բխող համակողմանի հիմքեր և գործադրման կառուցակարգեր, Հայաստանի իշխանություններին պարտադրված ճանապարհ է, սեփական իշխանությունը երկարաձգելու գինն է, որը ներառում էմեր տարածաշրջանում տնտեսական մեթոդներով թուրքական ազդեցության անսահման տարածումը, ի հաշիվներ բնական դաշնակից երկրների՝ Ռուսաստանի, Իրանի, Չինաստանի տարածաշրջանից դուրս մղման, հետևաբար՝ անխուսափելիորեն հանգեցնելու է Հայաստանի ինքնիշխանության և պետականության անդառնալի կորուստների՝ ապաշրջափակման անվան տակ տնտեսական համակարգի թրքահպատակեցմանըհամաքայլ, Ադրբեջանի և նրա դաշնակիցների կողմից իրագործվում է անշեղորեն՝ իրենց պարտադրած սցենարով՝ «միջանցքային» տրամաբանությամբ, Հայաստանի ինքնիշխան տարածքի նկատմամբ անթաքույց ոտնձգություններով։

https://yerkir.am/hy/article/2025/09/09/298702