Թուրքիայի խորհրադարանում օգոստոսի 5-ին տեղի է ունեցել քրդական հարցի կարգավորման համար ստեղծված հանձնաժողովի առաջին նիստը։
Թուրքական Cumhuriyet–ի փոխանցմամբ՝ հանձնաժողովի նիստը վարել է մեջլիսի նախագահ Նուման Քուրթուլմուշը։ Նիստին մասնակցել են իշխող Արդարություն եւ զարգացում, Ազգայնական շարժում, Ժողովրդահանրապետական, քրդական DEM եւ եւս մի քանի կուսակցության անդամներ։
Նիստը վարող Նուման Քուրթուլմուշի ելույթից հետո առաջարկվել է նիստը շարունակել առանց լրագրողների։
Ավելի ուշ հայտնի է դարձել, որ քրդական հարցի կարգավորման հանձնաժողովի անունը դրվել է «Ազգային համերաշխության, եղբայրության եւ ժողովրդավարության հանձնաժողով»։
Նշենք, որ Քուրդիստանի բանվորական կուսակցության (PKK) առաջնորդ Աբդուլլահ Օջալանի՝ զենքերը վայր դնելու կոչից հետո քրդական ուժերի մի ստորաբաժանում զենքերը վայր են դրել, որից հետո Թուրքիայի իշխանությունները ձեռնամուխ են եղել քրդական հարցի կարգավորման նոր նախաձեռնության։
Leave a Reply