Թուրքիան և Ադրբեջանը բանտարկյալների թվով առաջատարն են Եվրոպայում

Եվրոպայում բանտարկյալների թիվը 100 տեղի հաշվով 2023 թվականի հունվարի 31-ից մինչև 2024 թվականի հունվարի 31-ը 93,5-ից աճել է մինչև 94,9, ընդ որում՝ երկրների միջև զգալի տարբերություններով։ Դրա մասին ասված է Եվրոպայի խորհրդի զեկույցում։

Ամենաբարձր բանտարկյալների  մակարդակ ունեցող երկրներն են՝ Թուրքիան (100 հազար բնակչի հաշվով 356 բանտարկյալ), Ադրբեջանը (264), Վրաստանը (261), Մոլդովան (235), Լեհաստանը (202), Հունգարիան (195), Ալբանիան (192), Չեխիան (180), Սլովակիան (179), Սերբիան (177), Լատվիան (175) և Չեռնոգորիան (164):

500 հազարից ավելի բնակչություն ունեցող երկրներում տասնհինգ բանտային վարչակազմեր հայտնել են, որ իրենց մոտ ավելի շատ բանտարկյալներ կան, քան կարող են տեղավորվել։ Վեց բանտային վարչակազմեր հայտնել են լուրջ գերբնակեցման մասին՝ Սլովենիան (134 բանտարկյալ 100 տեղի համար), Կիպրոսը (132), Ֆրանսիան (124), Իտալիան (118), Ռումինիան (116) և Բելգիան (113):

Ութ այլ բանտային վարչակազմեր հայտնել են չափավոր գերբնակեցման մասին՝ Խորվաթիա (110), Իռլանդիա (105), Շվեդիա (105), Հունգարիա (104), Ադրբեջան (103), Ֆինլանդիա (103), Թուրքիա (102) և Հյուսիսային Մակեդոնիա (101):

2024 թվականի հունվարի 31-ի դրությամբ Եվրոպայի խորհրդի 51 անդամ պետությունների բանտերում կար 1 միլիոն 21 հազար 431 կալանավոր։

Տասներեք բանտային վարչակազմեր 2023 թվականի հունվարից մինչև 2024 թվականի հունվարը բանտարկյալների թվի զգալի աճ են գրանցել ավելի քան 500 հազար բնակչություն ունեցող երկրներում՝ Սլովենիա (+25,4%), Շվեդիա (+15,5%), Մալթա (+11,1%), Սերբիա (+9,4%), Խորվաթիա (+8,3%), Ադրբեջան (+8,3%), Իտալիա (+7,8%), Ալբանիա (+7,5%), Միացյալ Թագավորություն (Հյուսիսային Իռլանդիա) (+6,9%), Բելգիա (+6,8%), Միացյալ Թագավորություն (Շոտլանդիա) (+6,7%), Միացյալ Թագավորություն (Անգլիա և Ուելս) (+6,4%) և Իռլանդիա (+5,4%):

https://news.am/arm/news/896664.html