Թուրքիան քաղաքական խոչընդոտների վերացում է ակնկալում եվրաինտեգրման ճանապարհին

Թուրքիան ակնկալում է, որ Եվրամիությունը անհապաղ կվերացնի իր եվրաինտեգրման ճանապարհին առկա քաղաքական խոչընդոտները, հայտարարել է Թուրքիայի նախագահ Ռեջեփ Թայիփ Էրդողանը։

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայի՝ ԵՄ-ին անդամակցելու բանակցությունները չպետք է ոչ մի օր սպասեն իրենց ակտիվացմանը և առաջընթացին։ Նա ընդգծել է, որ այս իրադարձությունները պետք է տեղի ունենան հենց հիմա։ Այս մասին նա հայտնել է իր լրագրողական թիմի անդամներին, որոնց խոսքերը մեջբերել է TRT Haber հեռուստաալիքը։ «Մենք մեր բոլոր զրուցակիցներին ԵՄ-ում ասում ենք, որ մենք դեռևս հաստատակամորեն հավատարիմ ենք մեր նպատակին՝ կազմակերպության լիիրավ անդամակցությանը։ Եթե ԵՄ-ն այս հարցին մոտենա ռազմավարորեն և հեռատեսորեն, ապա ոչ մի խոչընդոտ չի լինի, որպեսզի նրանք անհապաղ քայլեր ձեռնարկեն։ Թուրքիայի դեմ քաղաքական խոչընդոտները պետք է շտապ կարգով վերացվեն։ Մենք ակնկալում ենք, որ ԵՄ երկրները կպահպանեն հարաբերությունները [Թուրքիայի հետ] արդար և հավասար հիմունքներով», – հայտարարել է Էրդողանը։

Էրդողանը հավելել է, որ Թուրքիային ԵՄ ընդունելու անհրաժեշտությունն առավել ակնհայտ է դառնում Եվրոպական մայրցամաքում և նրա շրջակայքում տեղի ունեցող իրադարձությունների ֆոնին։ «Եթե հաշվի առնենք Եվրոպայում և նրա շուրջ զարգացող իրադարձությունները, ինչպես նաև ներքին հակասությունները ԵՄ ներսում, ապա պարզ կդառնա, թե որքան մեծ է միության համար մի անդամի կարիքը, որը դինամիկ է և հիմնված է խնդիրների լուծման վրա, ինչպիսին Թուրքիան է։ Ինչպես ես արդեն ասել եմ՝ Թուրքիան ԵՄ-ի համար կամուրջից առաջ վերջին ելքն է։ Աշխարհը փոխվում է, Եվրոպան արդեն փոխվել է։ Հնացած և պարտադրված քաղաքական հասկացություններից հրաժարումը կարող է դառնալ քայլ, որը կբացի ԵՄ-ի համար նոր դարաշրջանի դուռը։ Որպես Թուրքիա՝ մենք պատրաստ ենք ԵՄ լիիրավ անդամակցությանը», – հայտարարել է նախագահը։

Թուրքիան պաշտոնապես ձգտում է անդամակցել Եվրոպական միությանը որպես լիիրավ անդամ՝ 2005 թվականից։ Քննարկումների ընթացքում հիմնական խոչընդոտներից մեկը Կիպրոսի խնդրին է։ Թուրքիայի արտգործնախարար Հաքան Ֆիդանը ավելի վաղ հայտարարել է, որ ԵՄ անդամակցությունը երկրի ռազմավարական նպատակն է, սակայն ընդգծել է, որ Անկարան դեմ է, որպեսզի իր անդամակցությունը պայմանավորված լինի Կիպրոսի կարգավորման հարցով։

https://news.am/arm/news/895444.html