Թուրք-իրաքյան կեսդարյա նավթային համաձայնագրի ժամկետը լրանում է

Թուրքիայի և Իրաքի միջև 52 տարի առաջ կնքված նավթային համաձայնագրի ժամկետը լրանում է։ Թուրքիայի «Resmi Gazete» պաշտոնական տեղեկագրում այս մասին հրապարակվել է հայտարարություն՝ նախագահ Ռեջեփ Թայիփ Էրդողանի ստորագրությամբ։

Նշվում է, որ Թուրքիայի ու Իրաքի միջև 1973-ի հուլիսի 27-ին ստորագրված համաձայնագրի ժամկետը լրանալու է 2026-ի հուլիսի 27-ին։ Ըստ այդմ՝ երկու երկրների միջև կես դար առաջ ստորագրված նավթային համաձայնագիրը և դրան կից բոլոր լրացուցիչ փաստաթղթերը, արձանագրությունները և երկարաձգումներն իրենց իրավական ուժը կկորցնեն 2026-ի հուլիսի 27-ը։

Վերոհիշյալ համաձայնագիրը տարիների ընթացքում թարմացվել է՝ ներառելով տարբեր արձանագրություններ՝ առաջացած կարիքները բավարարելու համար։ Վերջին անգամ երկարաձգվել է 2010-ին՝ 15 տարով։

https://www.ermenihaber.am/am/news/2025/07/21/%D4%B9%D5%B8%D6%82%D6%80%D6%84%D5%AB%D5%A1-%D4%BB%D6%80%D5%A1%D6%84-%D5%B6%D5%A1%D5%BE%D5%A9/310228