Էրդողանը քննադատել է Իսրայելի գործողությունները Սիրիայում

Թուրքիայի նախագահ Ռեջեփ Թայիփ Էրդողանը հուլիսի 17-ին կայացած կառավարության նիստից հետո անդրադարձել է Սիրիայում Իսրայելի կողմից իրականացվող գործողություններին:

Էրդողանն, Իսրայելը որակելով «կատաղած ահաբեկչական պետություն», շեշտել է, որ Սիրիայի հյուսիսի և հարավի միջև միջանցք բացելու ցանկություն ունեցողները դրան չեն հասնելու:

«Մենք ինչպես երեկ, այնպես էլ այսօր համաձայն չենք Սիրիայի մասնատմանը: Մեր հարևանի տարածքային ամբողջականությունը պահպանելը մեր հիմնական քաղաքականությունն է»,-հավելել է Թուրքիայի նախագահը:

Բացի այդ, Էրդողանը հավելել է, որ Իսրայելն անում է ամեն բան, որպեսզի իրենց տարածաշրջանը քաոսի մեջ հայտնվի: Վերջինս նաև հիշատակելով Գազայում, Լիբանանում և Յեմենում Իսրայելի ռազմական գործողությունները՝ ասել է.

«Եթե հրեշին անմիջապես չկանգնեցնեն, այն չի վարանի կրակի մատնել մեր տարածաշրջանը, ապա՝ ամբողջ աշխարհը»:

https://www.ermenihaber.am/am/news/2025/07/18/%D4%B7%D6%80%D5%A4%D5%B8%D5%B2%D5%A1%D5%B6-%D5%8D%D5%AB%D6%80%D5%AB%D5%A1/310089