Անկարան և Ստամբուլը կանգնած են խմելու ջրի մատակարարման լուրջ խնդիրների առջև

Անկարան և Ստամբուլը կանգնած են խմելու ջրի մատակարարման լուրջ խնդիրների առջև․ Թուրքիան վերջին 52 տարվա ընթացքում ամենաերաշտային շրջանն է ապրում, երկուշաբթի օրը այս մասին գրել է է Posta թերթը՝ հղում անելով Մուղլայի համալսարանի ճարտարագիտաշինարարական ֆակուլտետի ջրային ռեսուրսների ամբիոնի վարիչ, դոցենտ Ջեյհուն Օզչելիքիին։

«2025 թվականի առաջին 9 ամիսներին Թուրքիայում գրանցվել է վերջին 52 տարվա ընթացքում ամենաչոր շրջանը։ Տեղումների քանակը 26 տոկոսով կրճատվել է սեզոնային նորմայի համեմատ։ Այս տարի երկրում ակնկալվեկ է 520 միլիմետր տեղում մեկ քառակուսի մետրի վրա, սակայն տեղացել է մոտ 380 միլիմետր»,- հրատարակությունը մեջբերում է նրա խոսքերը։

«Կենտրոնական Անատոլիայի տարածաշրջանում այս ցուցանիշը կազմում է մոտ 36 տոկոս, իսկ Մարմարա, Էգեյան և Միջերկրական ծովի տարածաշրջաններում տեղումների պակասը կազմում է մոտ 30 տոկոս։ Թուրքիայում 9 ամսվա ընթացքում տեղումների 26 տոկոս պակասը նշանակում է, որ ողջ երկրում լրջորեն կնվազի գյուղատնտեսական արտադրանքի բերքատվությունը», – նշել է Օզչելիքը։

Նրա խոսքով՝ խմելու ջրի մատակարարման հետ կապված մեծ խնդիրներն անխուսափելի են այն բնակավայրերում և մեգապոլիսներում, որտեղ քաղաքային ենթակառուցվածքը թերի է։ Դա կապված է ջրամբարների բացակայությամ կամ անբավարար լինելու հետ։

«Ներկայումս Անկարայում մեր ջրամբարների լցվածությունը կազմում է մոտ 13,3 տոկոս։ Սա բավականին ցածր ցուցանիշ է, և ակնհայտ է, որ լուրջ դժվարություններ կառաջանան», – նշել է նա։

«Էգեյան տարածաշրջանի Իզմիր քաղաքի ամենամեծ ամբարի՝ Թախթալըի ջրի մակարդակը նվազել է մինչև 10,1 տոկոս։ Ստամբուլում իրավիճակը նույնն է, ինչ անցյալ տարի… Հունիսի տվյալներով՝ տեղումների պակասը ողջ երկրում կազմում է 63 տոկոս։ Մարմարա ծովը և հարավ-արևելյան Անատոլիան ամենակրիտիկական տարածաշրջաններից են։ Մարմարա ծովի տարածաշրջանում տեղումների պակասը կազմում է 94 տոկոս, իսկ Հարավ-Արևելյան Անատոլիայի տարածաշրջանում՝ 88 տոկոս», – տեղեկացրել է Օզչելիքը։

https://news.am/arm/news/894169.html