Ստամբուլում շտկել են գրաֆիտին՝ Թալեաթի անվան վրա գրելով Թեհլիրյանի անունը

Ստամբուլում ուղղվել է Թալեաթ փաշայի մասին գրությամբ գրաֆիտին, հաղորդում է Первый Ближневосточный թելեգրամյան ալիքը։

Գրաֆիտիին սկզբում գրված էր. «Մի Թալեաթ գնում է, հազար Թալեաթ գալիս է»։ «Խոսքը Մեհմեդ Թալեաթ փաշայի՝ օսմանյան պետական ​​գործչի և Հայոց ցեղասպանության կազմակերպիչներից մեկի մասին է, որը երիտթուրքական «եռյակի» մյուս անդամների հետ միասին ժամանակակից Թուրքիայում համարվում է ազգային հերոս և նահատակ»,- բացատրել է ալիքը։

Ուղղված տարբերակում գրված է. «Մի Թեհլիրյան գնում է, հազար Թեհլիրյան գալիս է»։

«Նկատի է առնվում Սողոմոն Թեհլիրյանը՝ Ցեղասպանության ժամանակ իր ամբողջ ընտանիքը կորցրած և Թալեաթ փաշային գնդակահարած հայ վրիժառուն»,- պարզաբանել է թելեգրամյան ալիքը։

https://news.am/arm/news/893359.html