Քրտական աշխատաւորական կուսակցութեան (ՔԱԿ) ղեկավար Ապտալլա Օճալան Թուրքիոյ խորհրդարանին կոչ ուղղեց` «խաղաղութեան հոլովոյթին եւ զինաթափման հսկելու յանձնախումբ կազմելու»:
«Թուրքիոյ դէմ զինեալ պայքարը վերջ գտաւ», նշեց Օճալան` աւելցնելով. «Քրտական աշխատաւորական կուսակցութեան զինաթափումը արագ տեղի պիտի ունենայ»:
«Քաղաքական շրջագիծի ստեղծման անհրաժեշտութիւնը վճռորոշ է Քրտական աշխատաւորական կուսակցութեան եւ Թուրքիոյ միջեւ խաղաղութեան հոլովոյթի յաջողութեան համար», շեշտեց ան` կոչ ուղղելով դէպի ժողովրդավարական քաղաքականութիւն ամբողջական անցում կատարելու:
Յիշեցնենք, որ 1 մարտին Քրտական աշխատաւորական կուսակցութիւնը ինքնալուծարման եւ զինեալ պայքարի դադրեցման որոշում որդեգրեց` ընդառաջելով Իմրալի կղզիին մէջ ցկեանս բանտարկուած իր ղեկավար Ապտալլա Օճալանի կոչին:
Leave a Reply