«Քարնեկի» հիմնարկը հրապարակեց տեղեկութիւն մը այն մասին, որ Միացեալ Նահանգներու նախագահ Տանըլտ Թրամփի վարչակազմը Երեւանին եւ Պաքուին ներկայացուցած է առաջարկ մը Ատրպէյճանը Հայաստանի տարածքով Նախիջեւանին կապող ճամբու մը վերաբերեալ։
Այդպիսի առաջարկի մը մասին «Ազատութեան» հարցումին պատասխանելով՝ Հայաստանի արտաքին գործոց նախարարութեան բանբեր Անի Բադալեան ըսաւ, որ Հարաւային Կովկասի մէջ երթեւեկի հաղորդակցութեան ենթակառուցուածքներու ապաշրջափակումը Հայաստանի համար եղած է եւ կը մնայ կարեւոր առաջնահերթութիւն։
«Ինչպէս յայտնի է, Հայաստանն առաջարկել է տարածաշրջանային փոխկապակցուածութեան իր տեսլականը` «Խաղաղութեան խաչմերուկ»ը, որն արդէն իսկ դրական արձագանգների է արժանացել մի շարք միջազգային գործընկերների կողմից: Աւելին` Հայաստանն առաջարկել է այդ նախաձեռնութեանը համահունչ մի շարք լուծումներ, որոնք կարող են ընդունելի լինել բոլոր ներգրաւուած կողմերի համար: Միաժամանակ, միջազգային տարբեր գործընկերներ եւս պարբերաբար իրենց գաղափարներն են ներկայացնում Հայաստան-Ադրբեջան յարաբերութիւնների կարգաւորման, այդ թւում` երկու երկրների միջեւ տրանսպորտային (փոխադրութեան) ենթակառուցուածքների ապաշրջափակման վերաբերեալ», ըսաւ Բադալեան, ըստ որուն, քննարկումները կը շարունակուին շահագրգիռ բոլոր գործընկերներուն հետ` շահաւէտ եւ տարածաշրջանի խաչմերուկային ներուժը իրականացնող արդիւնքներու հասնելու նպատակով:
Ըստ «Քարնեկի»ի՝ Պաքու տակաւին չէ արձագանգած Թրամփի վարչակազմի առաջարկին։
Leave a Reply