Թուրքիայի ՊՆ․«PKK-ի ինքնալուծարման որոշումից հետո հանձնվողների թիվը աճել է»

Թուրքիայի պաշտպանության նախարարության (ՊՆ) ներկայացուցիչները հայտարարել են, որ Քուրդիստանի բանվորական կուսակցության (ՔԲԿ-PKK) կողմից զինված պայքարը դադարեցնելու և կազմակերպությունը լուծարելու որոշումից հետո Թուրքիային հանձնվող անդամների թիվը զգալիորեն աճել է։

Թուրքական ռազմական գերատեսչության ամենշաբաթյա մամուլի ճեպազրույցում նշվել է, որ այս զարգացումները մանրակրկիտ դիտարկվում են և շարունակվում են «խորշերի ու թունելների մաքրման» գործողությունները։

Թուրքիայի ՊՆ-ն ևս մեկ անգամ վերահաստատել է Անկարայի դիրքորոշումը Սիրիայի վերաբերյալ՝ ընդգծելով, որ իրենց հիմնական նպատակը Սիրիայի տարածքային ամբողջականության պահպանումն է, անվտանգային կարողությունների ամրապնդումը և ահաբեկչության դեմ պայքարում համագործակցության խորացումը։

Միաժամանակ, ընդգծվել է, որ Թուրքիան չի հանդուրժելու քրդական YPG/SDG կառույցների՝ Սիրիայի ապագա վարչակարգի հետ ինտեգրման հնարավոր չարաշահումները։

https://www.ermenihaber.am/am/news/2025/06/13/%D4%B9%D5%B8%D6%82%D6%80%D6%84%D5%AB%D5%A1-%D5%8A%D5%86-PKK/307570