Թուրքիայի նախագահ Ռեջեփ Թայիփ Էրդողանը Թուրքիայի և Ադրբեջանի միջև բնական գազի ոլորտում համագործակցության համաձայնագիր է ստորագրել։
Ըստ թուրքական լրատվամիջոցների՝ համաձայնագիրը նպատակ ունի ընդլայնել համագործակցությունը Ադրբեջանից և երրորդ երկրներից երկու երկրների տարածքներով բնական գազի գնման, վաճառքի, մատակարարման, փոխանակման և տարանցման հարցերում։
Զուգահեռաբար Էրդողանը հաստատել է Բոսնիա և Հերցեգովինայի հետ 2021 թվականի մարտի 16-ին Անկարայում ստորագրված ենթակառուցվածքային և շինարարական նախագծերում համագործակցության մասին համաձայնագիրը։
Նշվում է, որ Ադրբեջանն ունի 2,6 տրիլիոն խորանարդ մետր գազի ապացուցված պաշարներ «նոր հանքավայրերի՝ Ապշերոնի, Ումիդի, Բաբեկի, Ասիմանի և Ղարաբաղի հետազոտման միջոցով դրանք ավելացնելու հեռանկարով»։
Leave a Reply