Ադրբեջանի եւ Թուրքիայի համատեղ բանակի ստեղծումը շարունակական գործընթաց է։ Ինչպես հաղորդել է APAն, այս մասին Բաքվում լրագրողներին ասել է Թուրքիայի Ազգային մեծ ժողովի Ազգային պաշտպանության կոմիտեի նախագահ, պաշտպանության նախկին նախարար Հուլուսի Աքարը։
Նա նշել է, որ Ադրբեջանի նախագահ Իլհամ Ալիեւն աջակցում է Հյուսիսային Կիպրոսի Թուրքական Հանրապետության անկախությանը։
«Ինչպես ասել է Ադրբեջանի նախագահը, մենք ոչ թե մեկ ազգ եւ երկու պետություն ենք, այլ մեկ ազգ եւ երեք պետություն։ Մենք մեկ ազգ եւ մեկ բանակ ենք։ Միասնական բանակի ստեղծման գործընթացը ներկայում շարունակվում է։ Ադրբեջանն ու Թուրքիան պետք է միասին աշխատեն պաշտպանության ոլորտում։ Դրա պայմանը համատեղ զորավարժություններն են»,- հայտնել է Աքարը։
Leave a Reply