Թյուրքալեզու երկրների հասարակական կազմակերպությունների աշխատաժողովը կկայանա Անկարայում

Թուրքիայի մայրաքաղաք Անկարայի առևտրի պալատում ապրիլի 10-ին կկայանա թյուրքալեզու երկրների քաղհասարակական կազմակերպությունների (ՔՀԿ) աշխատաժողովը։

Միջոցառումը կազմակերպվում է «EkoAvrasya» հիմնադրամի, «Մետաքսի ճանապարհի հանրային դիվանագիտության կազմակերպության» և «Թյուրքական աշխարհի ՔՀԿ համագործակցության միության» (TÜRKSİT) համատեղ նախաձեռնությամբ։

Աշխատաժողովի նպատակն է ամրապնդել թուրքալեզու պետությունների հասարակական կառույցների փոխգործակցությունը, ձևավորել ընդհանուր ռազմավարություն և մեծացնել տարածաշրջանային համերաշխությունը։

Աշխատաժողովին մասնակցելու են գիտնականներ, փորձագետներ և տարբեր ՔՀԿ-ների ներկայացուցիչներ։

Նախատեսվում է քննարկել մի շարք հարցեր, որոնք վերաբերում են քաղհասարակական կազմակերպությունների՝ սոցիալ-տնտեսական զարգացման գործում ունեցած դերին, մշակութային նախագծերում երիտասարդության ներգրավմանը, ինչպես նաև միջազգային հանրությանը թուրքական աշխարհի արժեքների ներկայացմանը։

https://www.ermenihaber.am/am/news/2025/04/09/%D4%B9%D5%B8%D6%82%D6%80%D6%84%D5%AB%D5%A1-%D5%94%D5%80%D4%BF/302049