Բաքուն և Անկարան պայմանագիր են կնքել Նախիջևանից Թուրքիա էլեկտրաէներգիայի արտահանման հնարավորությունները մեծացնելու նպատակով

Ադրբեջանի էներգետիկայի նախարար Փարվիզ Շահբազովը և Թուրքիայի էներգետիկայի և բնական պաշարների նախարար Ալփարսան Բայրաքթարը քննարկել են «ռազմավարական նշանակություն ունեցող էներգետիկ անվտանգության» նախագծերի շուրջ համագործակցությունը, տեղեկանում ենք X-ում Շահբազովի գրառումից։

«Քննարկել ենք Հարավային գազային միջանցք, Նախիջևան-Թուրքիա էներգիայի փոխանցման նախագծի, ինչպե նաև Ադրբեջանի, Վրաստանի, Թուրքիայի և Բուլղարիայի միջև «Կանաչ էներգետիկ միջանցք»-ի զարգացմանն առնչվող հարցեր։

Նախիջևանից Թուրքիա էլեկտրաէներգիայի արտահանման հնարավորությունները մեծացնելու նպատակով «Ազերէներջի» ԲԲԸ-ի և Թուրքիայի էլեկտրահաղորդման կորպորացիայի միջև կնքվել է շահագործման պայմանագիր», – մասնավորապես նշված է Ադրբեջանի էներգետիկայի նախարարի գրառման մեջ։

https://www.aravot.am/2025/04/04/1479705/