Իգդիրում կայացել է թուրք-ադրբեջանական տնտեսական նիստ

Թուրքիայի Իգդիր նահանգում կայացել է Թուրքիա-Ադրբեջան սահմանային նահանգների տնտեսական համագործակցության նիստ: Կողմերը գլխավորապես քննարկել են երկու երկրների միջև տնտեսական հարաբերությունների զարգացմանը միտված քայլեր: Խոսվել է նաև տարարածաշրջանային կապուղիների ապաշրջափակման մասին:

Միջոցառմանը ներկա են գտնվել  Իգդիրի նահանգապետ Էրջան Թուրանը և Ադրբեջանի էկոնոմիկայի նախարարության առևտրի ու օտարերկրյա ներդրումների հարցերով քաղաքականության վարչության ղեկավար Հազար Բեշիրովը: Ներկա են գտնվել նաև Նախիջևանի Ինքնավար Հանրապետության պաշտոնյաներ:

Նահանգապետ Թուրանը հայտարարել է, որ հանդիպումն արդյունավետ է. ընդունված որոշումներն էլ ավելի կխորացնեն Թուրքիա-Ադրբեջան տնտեսական հարաբերությունները։

«Թուրքիայի և Ադրբեջանի միջև համագործակցության ամրապնդմանն ուղղված յուրաքանչյուր քայլ մեր ընդհանուր ապագայի երաշխիքն է»։

Իգդիրի նահանգապետն անդրադարձել է նաև այսպես կոչված «‎Զանգեզուրի միջանցքի» ռազմավարական նշանակությանը՝ ասելով.

«Զանգեզուրի միջանցքը մեծ ներդրում կունենա ոչ միայն Թուրքիայի և Ադրբեջանի, այլև ողջ թյուրքական աշխարհի տնտեսական ինտեգրման գործում։ Բացի այդ, Թուրքիա-Նախիջևան գազատարի և Կարս-Իգդիր-Նախիջևան երկաթուղու նախագծերն էլ ավելի կամրապնդեն մեր համագործակցությունը էներգետիկայի և տրանսպորտի ոլորտում»։

https://www.ermenihaber.am/am/news/2024/11/28/%D4%B9%D5%B8%D6%82%D6%80%D6%84%D5%AB%D5%A1-%D4%B1%D5%A4%D6%80%D5%A2%D5%A5%D5%BB%D5%A1%D5%B6/291407