Էրդողան․ «‎Մեր արտաքին առևտրի դեֆիցիտի ամենամեծ պատճառը էներգիայի դիմաց վճարելն է»

Թուրքիայի նախագահ Ռեջեփ Թայիփ Էրդողանը Ստամբուլում մասնակցել է «‎Anadօlu» պետական լրատվական գործակալության էներգետիկ ֆորումին, որի ընթացքում անդրադարձել է ռուս-ուկրաինական պատերազմի էներգետիկ վնասներին։

Ըստ Էրդողանի՝ ռուս-ուկրաինական պատերազմը ցույց տվեց, որ արտաքին ռեսուրսներից կախվածությունը լուրջ խնդիր է էներգետիկ ոլորտում։ Նա ընդգծել է, որ այդ հետևանքներն առաջինը զգացել են եվրոպական երկրները։

Էրդողանի խոսքով՝ Թուրքիային հաջողվել է շրջանցել այս խնդիրը՝ կայուն հարաբերություններ պահպանելով թե՛ Ռուսաստանի և թե՛ Ուկրաինայի հետ։

«‎Մենք մեծ նշանակություն ենք տալիս էներգետիկայի ոլորտում արտաքին կախվածության նվազեցմանը և մեր տնտեսության վրա ճնշման նվազեցմանը։ Մենք այնպիսի երկիր ենք, որը ստիպված է օգտագործվող էներգիայի մեծ մասը գնել դրսից: Մեր արտաքին առևտրի դեֆիցիտի ամենամեծ պատճառը էներգիայի դիմաց վճարելն է: Մենք նպատակ ունենք ունենալ լիովին անկախ Թուրքիա էներգետիկայի ոլորտում։ Պետք է մոբիլիզացնենք մեր ունեցած բոլոր ռեսուրսները»։

https://www.ermenihaber.am/am/news/2024/11/22/%D4%B7%D6%80%D5%A4%D5%B8%D5%B2%D5%A1%D5%B6-%D4%B9%D5%B8%D6%82%D6%80%D6%84%D5%AB%D5%A1/291009