Ստամբուլի հունական գերեզմանատունը հարձակման է ենթարկվել

Օգոստոսի 24-ին Ստամբուլում գտնվող «Kurtuluş Aya Lefter» հունական գերեզմանոցի վրա հարձակում է տեղի ունեցել:

Ոստիկանության կողմից տեղում իրականացված միջոցառումների արդյունքում պարզ է դարձել, որ անհայտ անձը/անձինք, դեռևս անհայտ դրդապատճառներով գերեզմանատանը մեծ փոս են փորել:

Միջադեպին արձագանքել է «Aya Tanaş Aya Dimitri Aya Lefter» հունական ուղղափառ եկեղեցու և  դպրոցի հիմնադրամի նախագահ Յորգո Թեոդորիդիսը:

Նա հայտնել է, որ տեղի ունեցածը մեծ վրդովմունք է առաջացրել հույն ուղղափառ համայնքում:

«Մենք դատապարտում ենք Թուրքիայում գտնվող հունական փոքրամասնության հիշատակի,  պատմության և Ստամբուլի «Kurtuluş Aya Lefter» հունական ուղղափառ գերեզմանատան նկատմամբ իրականացված անարգանքը: Մենք թուրքական իշխանություններին հրավիրում ենք անհրաժեշտ միջոցներ ձեռնարկել այս զզվելի արարքի դեմ»,-հավելել է Թեոդորիդիսը:

https://www.ermenihaber.am/am/news/2024/08/27/%D4%B9%D5%B8%D6%82%D6%80%D6%84%D5%AB%D5%A1-%D5%80%D5%B8%D6%82%D5%B6%D5%A1%D5%BD%D5%BF%D5%A1%D5%B6/283151