Էրդողանն Ալիևին շնորհակալություն է հայտնել ցուցաբերած աջակցության համար

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։

Էրդողանը շնորհակալություն է հայտնել Ալիևին՝ անտառային հրդեհների մարմանը ցուցաբերած աջակցության և Թուրքիա BE-200CS ինքնաթիռ ուղարկելու համար։

Ալիևը վստահեցրել է, որ Բաքուն պատրաստ է լրացուցիչ աջակցություն ցուցաբերել հրդեհների կանխարգելման հարցերում։

Թուրքիայի հինգ՝ Իզմիր, Այդըն, Բոլու, Մուղլա և Մանիսա նահանգներում արդեն հինգերորդ օրը շարունակվող անտառային հրդեհների պատճառով 3,583 մարդ է տարհանվել։

https://www.tert.am/am/news/2024/08/19/erdoghan-aliev/4166847