Երեկ «Արևմտահայոց հարցերի ուսումնասիրության կենտրոն» գիտահետազոտական հիմնադրամ այցելեց այս օրերին Երևանում գտնվող Դիարբեքիրի Սուրբ Կիրակոս հայկական եկեղեցու հիմնադրամի փոխնախագահ Օհաննես Օհանյանը (Գաֆուր Թյուրքայ)։
Պարոն Օհանյանը կենտրոնի տնօրենի և աշխատակիցների հետ զրույցում ներկայացրեց Դիարբեքիրի հայ համայնքի ներկայիս խնդիրները, ինչպես նաև տեղեկություններ հաղորդեց ԴիարբեքիրիՍուրբ Սարգիս հայկական եկեղեցու վերականգնման ուղղությամբ մեկնարկած աշխատանքների վերաբերյալ։
Հիշեցնենք, որ Օհաննես Օհանյանը բազմիցս այցելել է Հայաստան։ Նա ուշագրավ աշխատանքներ է կատարում Դիարբեքիրի հայության վերազարթոնքի և այստեղի հայկական եկեղեցիների պահպանման ուղղությամբ։
Մասնավորապես, նրա ջանքերով Դիարբեքիրում մոտ 10 տարի առաջ մեկնարկեցին հայոց լեզվի դասընթացներ։ Դարձյալ պարոն Օհանյանի առաջնորդությամբ 2014 և 2015 թվականներին այդ դասընթացներն հաճախած հայերն այցելեցին Հայաստանի Հանրապետություն և մասնակցեցին Սփյուռքի նախարարության «Արի տուն» ծրագրին։
Մելինե Անումյան
Akunq.net
Leave a Reply