Քրիստինե Նաջարյանի խմբագրությամբ հրատարակվել է Սերոբ-Սրապ Մխիթարյանի “Մեր գյուղի պատմությունը” հուշագրությունը

Երևանում 2021 թ․ Հայոց ցեղասպանության թանգարան-ինստիտուտը լույս է ընծայել Մեծ եղեռնի ականատես Սերոբ-Սրապ Մխիթարյանի “Մեր գյուղի պատմությունը” հուշագրությունը (խմբագիր, առաջաբանի և ծանոթագրությունների հեղինակ՝ ՔՐԻՍՏԻՆԵ ՆԱՋԱՐՅԱՆ)։

«Մեր գյուղի պատմությունը» հուշագրությունը վկայություն է Հայոց ցեղասպանությունը վերապրած Սերոբ-Սրապ Մխիթարյանի, իր հարազատների ու տարագիր ժողովրդի ողբերգության, Արևմտյան Հայաստանի Սասուն երկրամասի Խութ-Բռնաշեն շրջանի Փիճոնք գյուղի և այլ տարածքներից բռնագաղթած հայ բնակչության բնաջնջման ընթացքի ու վերապրածների մասին:

Պատանի Սերոբ-Սրապն ականատես է լինում օսմանյան իշխանությունների ծրագրած ցեղասպանությանը, և ապա կյանքի մայրամուտին՝ 70-անց տարիքում թղթին է հանձնում իր ու իր համագյուղացիների գլխով անցածը։
Այս հուշագրությունում ներկայացված են դրվագներ Փիճոնք գյուղի անցյալից, տարածաշրջանի հայ գյուղացու կյանքից, ինչպես նաև պատմություններ, որոնք փաստում են հայերի հանդեպ գործադրված ոճրագործության, բռնությունների, գաղթի, անասելի ցավի, նաև
ապագայի հանդեպ հավատի ու դժվարությունները հաղթահարելու կարողության վերաբերյալ։
Նախատեսված է ընթերցող լայն շրջանակների համար։

Akunq.net