Թուրքիայի ճանապարահներից ջնջված քրդերեն գրությունները կրկին հայտնվել են

Մարդինի Դարգեչիթ շրջանի ճանապարհների գլխավոր վարչության և ոստիկանության կողմից ջնջված քրդերեն ճանապարհային գծանշում-գրությունները կրկին հայտնվել են:

Նշվում է, որ գրությունները գրվել են օգոստոսի 1-ին, իսկ ջնջվել էին հուլիսի 31-ին:

Գծանշումները կրկին քրդերեն գրելու գործընթացը կազմակերպվել է Թուրքիայում գործող ընդդիմադիր Ժողովուրդների հավասարություն և ժողովրդավարություն կուսակցության (DEM) կողմից, ինչին մասնակցել է նաև Քերբորանի համաքաղաքապետ Ազիզ Ռամազան Աքինը:

Նշենք, որ Դարգեչիթի շրջանի համաղեկավար Աբդուրռահիմ Ասլանը հայտարարել է, որ քրդերենը Թուրքիայում չի հանդուրժվում, և այդ իսկ պատճառով նրանք շարունակելու են տեր կանգնել իրենց լեզվին:

«Եթե քրդերենից բացի մեկ այլ լեզու լիներ՝ խնդիր չէր առաջանա»,-շեշտել է Ասլանը:

https://www.ermenihaber.am/am/news/2024/08/02/%D4%B9%D5%B8%D6%82%D6%80%D6%84%D5%AB%D5%A1-%D5%94%D6%80%D5%A4%D5%A5%D6%80%D5%A5%D5%B6/281780