Հայաստան–Թուրքիա հարաբերությունների կարգավորումը Արևմուտք–Թուրքիա քեյսի մի մասն է. Նելլի Մինասյան

Հայ–թուրքական կարգավորման բանակցությունները միտումնավոր ձգձգում է թուրքական կողմը. Sputnik Արմենիայի եթերում ասել է թուրքագետ Նելլի Մինասյանը։«Հայաստան–Թուրքիա հարաբերությունների կարգավորումը ընդհանուր Արևմուտք–Թուրքիա հարաբերությունների քեյսի մաս է կազմում։ Թուրքիան փորձում է ստանալ իր համար նպաստավոր պայմաններ։ Եվ քանի որ մենք գիտենք Թուրքիայի ախրժակը` կոմունիկացիաների հետ կապված, հիմնական ձգձգումները հենց այդ հարցերի հետ են կապված»,– նշել է թուրքագետը`մեկնաբանելով հայ–թուրքական սահմանի Մարգարայի հիմնանորոգված անցակետի հատվածում երեկ Հայաստանի և Թուրքիայի հատուկ ներկայացուցիչների միջև տեղի ունեցած հինգերորդ հանդիպումը։

Հայաստանի ԱԳՆ-ը հանդիպման ավարտին հայտնել էր, որ Ռուբեն Ռուբինյանն ու Սերդար Քըլըչը վերահաստատել են նախորդ 4 հանդիպումների ընթացքում ձեռք բերված պայմանավորվածությունները։ Մասնավորապես` փոխադարձաբար դյուրացնել վիզայի ընթացակարգերը դիվանագիտական անձնագրեր ունեցողների համար։ Ինչպես նաև` Հայաստանի ու Թուրքիայի տարածաշրջանային զարգացումներին համապատասխան գնահատել տեխնիկական կարիքները, որոնք հնարավորություն կընձեռեն գործարկել Ախուրիկ/Աքյաքա երկաթային սահմանային անցակետը։

https://arm.sputniknews.ru/20240731/78935799.html