Մերձավոր Արևելքի վերջին զարգացումները՝ Թուրքիայի կառավարության օրակարգում

Ապրիլի 16-ին Թուրքիայի նախագահ Ռեջեփ Թայիփ Էրդողանի գլխավորությամբ կգումարվի կառավարության հերթական նիստը:

Օրակարգում գլխավոր թեմաներից են լինելու Մերձավոր Արևելքի շուրջ վերջին զարգացումները, աճող լարվածությունը և այդ հարցում Թուրքիայի դիվանագիտական նախաձեռնությունները:

Նշվում է նաև, որ նիստի ընթացքում անդրադարձ է կատարվելու երկրում առկա ինֆլյացիայի (գնաճ) և չափազանց բարձր գների դեմ պայքարին:

Օրակարգից դուրս չեն մնալու նաև Պաղեստինի Գազայի հատվածում տիրող իրավիճակը և այնտեղ հրադադարի հաստատման ու այդ հատված անխափան հումանիտար բեռների հասցման համար ձեռնարկվելիք քայլերին վերաբերող հարցերը:

Մտքեր են փոխանակվելու ահաբեկչության դեմ պայքարի, մասնավորապես` Իրաքի և Սիրիայի հյուսիսում Թուրքիայի կողմից ահաբեկչական ճանաչված խմբավորումների դեմ պայքարի շրջանակներում իրականացվող գործողությունների շուրջ:

Մասնակիցներն անդրադառնալու են նաև միջնաժամկետ տնտեսական ծրագրին և զարգացման 12-րդ պլանին, ինչպես նաև ամփոփելու են դրանց շրջանակներում իրականացված քայլերը:

Կքննարկվեն նաև տասնյակ հազարավոր ուսուցիչների թեկնածուների նշանակմանը վերաբերող հարցեր:

https://www.ermenihaber.am/