Ադրբեջանի նախագահ Իլհամ Ալիևը և Թուրքիայի նախագահ Ռեջեփ Թայիփ Էրդողանը երեքշաբթի հեռախոսազրույց են ունեցել։ Զրույցը տեղի է ունեցել թուրքական կողմի նախաձեռնությամբ, հաղորդում է Ադրբեջանի նախագահի մամուլի ծառայությունը։
Ալիևն ու Էրդողանը շնորհավորանքներ են փոխանակել Ռամադան տոնի կապակցությամբ, մաղթել բարօրություն և բարգավաճում ադրբեջանցի և թուրք ժողովուրդներին։
«Հեռախոսազրույցի ընթացքում պետությունների ղեկավարները վստահություն են հայտնել, որ ադրբեջանա-թուրքական բարեկամության, եղբայրության և դաշնակցային հարաբերությունները ապագայում կզարգանան և կամրապնդվեն բոլոր ոլորտներում, մտքեր են փոխանակվել համագործակցության հեռանկարների շուրջ»,- ընդգծվում է տեղեկատվության մեջ։
Leave a Reply