Թուրքիան և Ադրբեջանը պաշտպանական արդյունաբերության ոլորտում նոր պայմանագրեր են ստորագրել

Թուրքիայի նախագահի աշխատակազմի պաշտպանական արդյունաբերության վարչության պետ Հալուք Գյորգյունը Բաքու կատարած այցի ընթացքում հանդիպումներ է ունեցել Ադրբեջանի նախագահ Իլհամ Ալիևի, պաշտպանության նախարար Զաքիր Հասանովի և այլ բարձրաստիճան պաշտոնյաների հետ։

Այցի ընթացքում հանդիպումներ են եղել ռազմարդյունաբերական մի շարք  ադրբեջանական ընկերությունների ներկայացուցիչների հետ, որոնց ընթացքում ստորագրվել են  համագործակցության պայմանագրեր։

Այս համատեքստում թուրքական պատվիրակության կազմում գտնվող «MKE»-ի գլխավոր տնօրեն Իլհամի Քելեշը և «Repkon Group»-ի նախագահ Իբրահիմ Քյուլեքչին փոխըմբռնման հուշագիր են ստորագրել Ադրբեջանի ռազմական արդյունաբերության մի շարք ընկերությունների հետ, որոնց անունները չեն հրապարակվում։

Թուրքական կողմն Ադրբեջանի ղեկավարությանն ու ադրբեջանական ընկերություններին  ներակայացրել է սեփական արտադրության մի շարք համակարգեր, քննարկվել են  համագործակցության հնարավորությունները։

https://www.ermenihaber.am/am/news/2024/04/05/%D4%B9%D5%B8%D6%82%D6%80%D6%84%D5%AB%D5%A1-%D4%B1%D5%A4%D6%80%D5%A2%D5%A5%D5%BB%D5%A1%D5%B6/271962